تخليص جمركي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

محمد الناصر للتخليص الجمركي


2 مشترك

    أرامكو السسسسعوديه !

    avatar
    أبن جارٍي
    عضو


    عدد الرسائل : 1
    نقاط : 6
    السٌّمعَة : 0
    تاريخ التسجيل : 11/12/2009

    أرامكو السسسسعوديه ! Empty أرامكو السسسسعوديه !

    مُساهمة  أبن جارٍي الجمعة 11 ديسمبر 2009, 5:51 am

    أرحبوو أرحبوو يارجال affraid

    يمسيكم بالخير جميع .. وياهلا والله بصبيان آل جرو وصبيان قحطان عامه .
    والله يالربع أنا توني جديد بهالمنتدى وماحبيت أني أدخل وأيدي فاضيه .. فـ أبقولكم سالفتن صارت لواحدن شايب من شيبان قحطان .. في أحدى السنين أول مافتحت أرامكو السعوديه بالمنطقه الشرقيه قبل 50 سنه ..

    سمع هالشايب في ذاك الليل أنهم أفتحو مشروع أرامكو السعوديه لحفر آبار البترول .. وأن الشركه قويه وكبيره وأنهم طالبين موظفين .. فكلن خابر أول مبطي ماكان فيه لا أختبار قبول ولا أنقليزي ولا ثانوي ولا غيرره .. ماغير كانو يصفون الرجاجيل ويجي مسئول الموظفين يختارله من هالي صافين وكان الله غفورن رحيم ..

    الوكاد أن هالشايب ركبت السالفه في راسه .. وقال ياولد خلني اقوم مع هالعالم وأقدم كود الله يوفقني ويرزقني .. والله أستعد وصلى الفجر وتوكل على الله على مقر أرامكو .. وجاا واحدن أمريكي اسمه (( ديفدس )) هو المسؤل عن التوظيف في ذيك السنين .. صف الرجاجيل ومن ضمنهم هالشايب القحطاني ومعهم واحدن أمريكي اسمه ( بووّي ) مقدمن معهم ..

    ويجي هالأمريكي ديفدس ويعاين بهالموظفين يبي يختارله ثلاثة موظفين فقط .. مرر على الأول وأختاره .. وخذته الحميّه المسئول وأختار أبن ديرته الأمريكي الثاني بووّي .. ومر على الثالث وأختاره .. وقال للموجودين توكلو على الله وروحو بيوتكم .. فـ رجع القحطاني لبيته والدنيا صاكتن بوجهه يفكرر بالفقرر ويفكرر بعواله وحالهم .. وبهالليله من حرر مافييه قصد قصييده يقول فيهاا


    قال منهو فالبداره بادي تالي نـهاره .. باح من قلبه أسراره يوم برق وأفتكر
    الجبل فيه الآناسه , والمراجل والهياسه .. كل مبنى على ساسه , من سمـاد ومن صخر
    جا(ديفدس)ينتقينا مثل نقاي الضحايه .. وجا (بووي) وسد عينه في أمان وفي سفر
    من كان حظه فوق فوق فالبيادر والرقوق .. أو ديّنه يسـوق أو أستـاذ لامن نجر
    ومن كان حظه دمار قيضوه شيـول حفار .. وأمتلى وجهه غبار لين غدا طباخ بر

    المقصود بالرقوق / هي الرق لأستخراج البترول والنفط
    والمقصود بأستاذ لامن نجر / أول كانو الشيبان يشتغلون نجارين ولحامين بأرامكو

    العذر والسموحه يالربع أنا ماني بحافظ القصيده كامله .. بس جبت لكم كمن بيت .. والمقصد الأول والأخيرر المشاهد وأننا نتعرف على بعض

    أسمحولناا على القصوور , أخوكم أبن جارٍي
    فمان الله


    عدل سابقا من قبل أبن جارٍي في الجمعة 04 مارس 2011, 8:58 am عدل 2 مرات
    Admin
    Admin
    الأدارهـ
    الأدارهـ


    عدد الرسائل : 20
    العمر : 43
    الموقع : تكساس
    نقاط : 30
    السٌّمعَة : 0
    تاريخ التسجيل : 16/01/2009

    أرامكو السسسسعوديه ! Empty بيض الله وجهك

    مُساهمة  Admin الخميس 18 فبراير 2010, 8:29 am

    أبن جاري بيض الله وجهك والله أنك وافي

      الوقت/التاريخ الآن هو الجمعة 29 مارس 2024, 5:14 pm